Palizoyike

Li Palizoyike ou trevéns palizoyikes u trevéns prumreces c' est ene termene del schåle des tins djeyolodjikes, 345 miyons d' anêyes longue, ki va d' i gn a 570 miyons d' anêyes disk' a 225 miyons d' anêyes did ci; elle est shuvowe pa les trevéns sgondreces u mezozoyike.

Evenmints

C' est des trevéns prumreces ki les teres å dzeu do livea d' l' aiwe ont stî colnijheyes påzès plantes eyet pås cronzoxhîs, dj' ô bén ki c' est l' moumint k' ont aparexhou les prumirès vicantès sacwès a viker foû d' l' aiwe (mins co foirt aloyîs a l' aiwe), come les plantes d' evironmints fagneus eyet les anfibyins (glumiantès biesses).

Ripårtixhaedje

Li palizoyike est lu minme pårti e shijh termenes:

• li Cambriyin, la 570 miyons d' anêyes, avou l' aparexhaedje des biesses dins les mers
• li Ordovicyin, i gn a 510 miyons d' anêyes
• li Siluryin, la 439 miyons d' anêyes, avou skepiaedje des prumirès biesses a respirer dins l' air
• li Devonyin, n a 408 miyons d' anêyes, k' a veyou nexhe les prumîs pexhons avou des schayes
• li Carbonyin
• li Permyin.