Tribunå des XXII

Li Tribunå des XXII (tribunå des vint-deus), c' esteut on tribunå del Principåté d' Lidje, askepyî e moes d' djun 1343 (lontins après l' Påye di Fexhe di 1316), po poleur riclamer disconte ene indjustice fwaite pa on rprezintant do prince-eveke, u conte li prince-eveke lu-minme.

Istwere

Å cmince des anêyes 1340, li prince-eveke Adofe II del Måtche fijheut l' guere a Djan III do Braibant. I raveut dandjî di l' aspoya des bounès veyes, k' i s' aveut margayî avou zeles di 1325 a 1331. I lzî acoirda don li «lete des XXII» ki meta so pî li tribunå des XXII.^[1]

Dins l' schålance del djustice

Dizeu, e Sint Impire Romin Djermanike, gn aveut co l' tribunå imperiå d' Weslår.

Dins les belès-letes e walon

tecse préjhant li tribunå des XXII, k' a wangnî on rcours al coû imperiåle disconte li prince-eveke
(lijhåve so Wikisourd)

On ndè cåze dins les tecses a vey avou l' afwaire des djeus di Spå.

On n' såreut abate nos vint-deus;

C' est l' sotén del patreye.^[2]

Sourdants

↑ (fr) Fred Stevens & Axel Tixhon, L'Histoire de la Belgique pour les nuls, Paris, 2010, ISBN 978-2-7540-1482-3, p. 76.
↑ Cwatru-vint-nouv (sitroete plake), boket l° 1

[1] (fr) Fred Stevens & Axel Tixhon, L'Histoire de la Belgique pour les nuls, Paris, 2010, ISBN 978-2-7540-1482-3, p. 76.

[2] Cwatru-vint-nouv (sitroete plake), boket l° 1

[1]

[2]