Umin (viyaedje)

Pol discramiaedje des årtikes avou l' mot « «Umin» et «umin» », loukîz cial.

Umin ((fr) Humain), c' est èn ancyin ptit ban del Walonreye, rebané avou Måtche, e l' province do Lussimbork.

• 
• 

Etimolodjeye

Vénreut di l' erî-rfwait tîxhon «*humilinja», ki vleut dire «houbionire».

Si ciste etimolodjeye la est djusse, li son H tîxhon d' atake aveut disparexhou e 20inme sieke, çou k' est mostré på spotchaedje del divancete «di» dins l' shuvion «l' eglijhe d' Umin».

Mwaissès dnêyes

• Limeros del posse :
  • asteure : 6900
  • davance : 5437
• Limero diyalectolodjike : Ma 35 (mwaisse pont d' l' A.L.W.)
• Arondixhmint: Måtche-el-Fåmene

Toponimeye d' Umin

Hamteas

• Havrene (fr. Havrenne) (rimetou avou Rotchfoirt e 1977)
• a Tîsse (fr. Thys)

Ôtès plaeces

• A vey avou des aiwes:
  • li Biran
  • li Vatcho
  • ri d' inte deus faloes (fr. entre deux falleux).
• A vey avou les tienes et les vås:
  • al Våzale (vauzale)
• A vey avou des rotches u des teres:
  • li Hî
• Les voyes et les rowes:
  • voye do Djerni
  • voye d' Åye
• Ôtès sacwès et målåjhminces:
  • Berzîloe (Bèrzîlë)
  • al Defe (al dèf)

Istwere

Esteut ene paireye del conteye deL Rotche.

E 1324, Djan l' Aveule dina li hôte djustice a Djan d' Ôchin, avou l' signorreye di Djmepe-dilé-Hardjîmont.

E 1796, dizo l' redjime francès, Umin et Havrene fourît raloyeyes å dipårtumint d' Sambe-et-Mouze.

Après 1839, i fourit rmetou avou l' province do Lussimbork, mins Havrene ala avou Rotchfoirt ås grands rebanaedjes di 1977.