Unités di mzeure éndjolikes

Èn årtike di Wikipedia.

Les unités di mzeure shuvantes sont-st eployeyes po des grandeurs éndjolikes, pol grandeur del memwere d' ene copiutrece, pol plaece k' on pout scrire so on sopoirt come ene deure plake ou ene plake lazer, li grandeur d' on fitchî, evnd.

  • Bit: c' est l' unité d' båze. Ele reprezinte li pus ptite unité di memwere eployåve so ene copiutrece. Ele n' a ki deus valixhances di possibes: 0 et 1. Les ôtes unités di mzeure sont des rgroupmints di bits.
  • Octet (byte en inglès): èn octet est ewal a ût bits. I pout prinde 28 valixhances, di 0 à 255 e decimå, çou ki fwait 256 valixhances possibes.

Unités di mzeure båzêyes so l' octet[candjî | candjî l’ côde wiki]

Ces unités sont sovint eployeyes po djåzer des grandeur des fitchîs et del capacité des sopoirts et des memweres. asteme: li definixha des grandeurs Mo, Go, To si pout fé pa hopes di 1.000, tot shuvant les rîles do sistinme d' unités eternåcionå, oudonbén pa hopes binaires di 1024 (ene pouxhance di 2), li clintcha est d' eployî les definixhas eternåcionås. Mins Ko (avou on grand "K") est tofer 1.024 octets, dismetant kel simbole del betchete eternåcionåle kilo ki rprezinte 1.000 est on ptit "k".

  • kilo-octet (Ko): on kilo-octet est ewal a 1024 (210) octets.
  • mega-octet (Mo): on mega-octet est ewal a 106 octets (ou pa des côps a 1024 kilo-octets).
  • giga-octet (Go): on giga-octet est ewal a 109 octets (ou pa des côps a 1024 mega-octets).
  • tera-octet (To): on tera-octet est ewal a 1012 octets.
  • peta-octet (Po): on peta-octet est ewal a 1015 octets.
  • ecsa-octet (Eo): èn ecsa-octet est ewal a 1018 octets.
  • zetta-octet (Zo): on zetta-octet est ewal a 1021 octets.
  • yotta-octet (Yo): on yotta-octet est ewal a 1024 octets.

Unités di mzeure båzêyes sol bit[candjî | candjî l’ côde wiki]

Ces unités sont sovint eployeyes po djåzer del vitesse di transfer (e bits pa segonde b/s) so les rantoeles et dins les telecomunicåcions.

  • kilobit (kb): on kilobit est ewal a 1.000 bits.
  • megabit (Mb): on megabit est ewal a 106 bits.
  • gigabit (Gb): on gigabit est ewal a 109 bits.

Unités di mzeure del frecwince[candjî | candjî l’ côde wiki]

Ces unités sont eployeyes pol frecwince des cikes des processeus eyet pol frecwince des waitroûles.

  • hertz (Hz): on hertz c' est ene frecwince d' on côp totes les segondes.
  • kilohertz (kHz): on kilohertz est ewal a 1.000 hertz; dj' ô bén, 1.000 côps tchaeke segonde.
  • megahertz (MHz): on megahertz est ewal a 106 hertz; dj' ô bén, on miyon d' côps tchaeke segonde.
  • gigahertz (GHz): on gigahertz est ewal a 109 hertz; dj' ô bén, on miyård di côps tchaeke segonde.

Ôtès unités di mzeure éndjolikes[candjî | candjî l’ côde wiki]

  • imådjes pa segonde (fps, di l' inglès frames per seconde); ciste unité est foirt eployeye po saveur li flouwidisté des animåcions des djeus videyo.
  • ponts pa pôce (dpi, di l' inglès dots per inch); ciste unité est eployeye po cwålifyî l' finté di l' imprimaedje, del finté d' ene waitroûle, evnd. c’ est l' nombe di ponts (d' intche, di loumire, evnd.) dins on cwåré d' on pôce.
  • picsels; c' est li pus ptite compôzante d' ene imådje; li finté d' l' imådje est fonccion do nombe di picsels, copurade li nombe di picsels so ene stindêye dinêye; li nombe di bits pa picsel dene li parfondeur d' coleur di l' imådje.