Li Vî Bleu (binde d' imådjes)

Li vî Bleu, c' est ene binde d' imådjes dessinêye pa François Walthéry so on sinnariou da Raoul Cauvin.

Gn a yeu deus tômes. Li prumî a rexhou li 6 di djun 1980 ås Edicions Dupuis (ISBN 2800106964), et l' deujhinme e 2011, ås Noer Dessén (ISBN 978-2-87351-244-6). Li ratournaedje e walon a stî fwait pa Jeanne Houbart-Houge pol prumî eyet pa På-Hinri Tomsin pol deujhinme.

Mins li spoûle aveut ddja rexhou e francès dins l' gazete Spirou dispu 1974 dizo l' tite «Le vieux Bleu».

Plaeçmint dins l' espåce et dins l' tins

Les persounaedjes, c' est des colebeus ki vicnut a Årdjetea diviè 1930.

Mwaisse persounaedjes

• Djule, li mwaisse do "Vî Bleu", ki dmane avou s' fi k' est maryî et k' a deus efants (ci sereut kécfeye bén l' famile da Françwès Walthéry lu-mminme).
• Achile, si camaeråde; si colon s' lome «li ptit rodje»
• Li curé, ki s' a metou a coleber eto, et k' a lomé s' tchampion, come di djusse, «Li Ptit Djezus».

Saetchaedje

Li prumî eplaidaedje a stî saetchî a 40.000 egzimplaires. Li 2inme parey, eyet l' troejhinme a 20.000, çou ki ndè fwait li pus grand eplaidaedje di lives e walon di tos les tins.

Impôrtance po l' rivicance do walon

Ça a kécfeye li pus hôt saetchaedje di tos les lives e walon. Sacwants djins (come Lucien Mahin u Lorint Hendschel), å lére di ç' live la, s' ont-st abaiti ki l' walon, k' i cnoxhént bén di leu djonnesse walon-bagnante, si scrijheut come les ôtes langues, et ataker ene vocåcion di scrijheu e walon.

Hårdêye difoûtrinne

• Pitit boket do tôme I (so l' Aberteke)
• Lorint Hendschel raconte si discovraedje do Vî Bleu… et do walon