Vôtaedjes pol Deujhinme Tchambe del Neyerlande di 2025

Foto do pårlumint del Deujhinme Tchambe del Neyerlande.

Les vôtaedjes pol Deujhinme Tchambe del Neyerlande di 2025, c’ est des eleccions ki s’ ont passé li 29 d’ octôbe 2025 po tchoezî les 150 mimbes del Deujhinme Tchambe del Neyerlande. C’ est des eleccions avanceyes ki shuvnut l’ demission do Govienmint Schoof I ki rmonte å 3 d' djun 2025, cwand l' PVV s’ a rsaetchî del cowalicion.

Istwere

Come di djusse, les eleccions di 2025 n’ esteut nén adjinçnêye a l’ oridjene ey il åreut falou ratinde 2028. Mins nerén, tot l’ payis a dvou rvôter tins do mierkidi 29 d’ octôbe 2025 po- askepyî on novea govienmint. L' åcint des votants ît d' 78,3 % .

Rizultats

Les rizultats mosternut, come sovint e l' Neyerlande, ene configuråcion do pårlumint carapmint spliteye :

• Democraten 66 ([WA] Democrates 66) : 26 sidjes
• Partij voor de Vrijheid ([WA] Pårti pol Liberté) : 26 sidjes
• Volkspartij voor Vrijheid en Democratie ([WA] Pårti do Peupe pol Liberté ey el Democraceye) : 22 sidjes
• GroenLinks ([WA] Verts di Gåtche) avou Partij van de Arbeid ([WA] Pårti do Boutaedje) :20 sidjes
• Christen-Democratisch Appèl ([WA] Houcaedje Crustin-Democrate) — 18 sidjes
• JA21 ([WA] OYI 21) : 9 sidjes
• Forum voor Democratie ([WA] Forom pol Democraceye) : 7 sidjes
• BoerBurgerBeweging ([WA] Mouvmint Cinsî-Citweyin) : 4 sidjes
• DENK ([WA] PINSEZ) : 3 sidjes
• Socialistische Partij ([WA] Pårti Socialisse) : 3 sidjes
• Partij voor de Dieren ([WA] Pårti po les Biesses) : 3 sidjes
• ChristenUnie ([WA] Union Crustinne) : 3 sidjes
• Staatkundig Gereformeerde Partij ([WA] Pårti Politike Rifôrmé) : 3 sidjes
• Volt Nederland ([WA] Volt Neyerlande) : 1 sidje
• 50PLUS ([WA] Ådzeu d' 50) : 2 sidjes

Consecwinces

Après les vôtaedjes, on askepeye on novea govienmint, çou ki pout prinde lonmint. Avou ça k' i fåt decider ké pårti va monter å govienmint, tot respectant ene madjorité, dj' ô bén 76 sidjes so 150.