Veye-so-Inne

Veye-so-Inne (la-minme Vile-sur-Ène; fr: Ville-sur-Haine), c' est èn ancyin ptit ban del Walonreye, rebané avou El Rû, el province do Hinnot.

Pavêye di Mont

Levåve pont sol «tchenå do Cinte» (èl canâr)

Li minme, a l' anuti

Li viyaedje veyou d' Avrè

Mwaissès dnêyes

• Limeros del posse:
  • asteure: 7070
  • Di 1969 a 1977: 7041
• Limero diyalectolodjike: S 33.
• Arondixhmint: Sougniye
• Lingaedje do payis: picård polant esse rimetou avou les walipicårds.

Etimolodjeye

L' etimolodjeye do no vént direk do latén «Villam super Hainam».

Istwere

Foirt vî viyaedje k' esteut ddja ocupé do tins di l' ådje do fier. Do tins des Francs il aveut stî dné a l' abeye di Sinte-Wådrou d' Mont et pu passer dins les mwins des familes de Ville, Roeulx, d' Avesne et de Croyî.

Tot å lon di l' istwere, Veye-so-Inne a cnoxhou bråmint d' batayes, di piyaedjes et d' sacadjes do fwait ki c' esteut on passaedje sitratedjike po les årmêyes (i sufit d' vey tos les refoircîs tchesteas, bastimints et grossès cinses d' avår la po s' è rinde conte).

Economeye

L' agricoûteure et l' aclevaedje ont lontins stî les deus seus ritches sourdants economikes do viyaedje et sont eco pratikés ådjourdu.

Ci n' est ki bråmint pus tård k' on-z î a drovou des tchåfors, deus bressenes, ene soucreye, ene cimintreye, ene verreye ey ene fabrike di prodûts tchimikes. Tot ça a målureuzmint clôs asteure et Veye-so-Inne a rdivnou on pitit viyaedje trankile.