Vincent van Gogh

Èn årtike di Wikipedia.
Potchî a: naiviaedje, cweri
Md480.jpg
Li båshele a djnos ki hosse l' efant

Vincent Willem van Gogh a vnou å monde li 30 di måss 1853 ey a dhoté li 29 di djulete 1890. C' est on pondeu des Bas-Payis k' a cmincî a ponde a 27 ans. Dispoy estant djonne, i dessinéve dedja e s' måjhone des fleurs et des ôtès sacwès.

Si pa esteut pasteur protestant. I dmorént dins on viyaedje dins les plinnes d' Olande, la kel tins est sovint foirt grigneus. I vleut esse pasteur, come si pa. I fjheut des tournêyes avou lu dins les corons et dischindeut dins les houyires vey les ovrîs a l' ovraedje.

Mins il a stî buzé å seminaire.

Adon, i cmince a dessiner tot seu, e s' måjhone.

E 1885, i prind djîsse a Anverse et va rôbaler les muzés foû. I est ståmusse divant les pinteures da Rembrandt et da Rubens. Adon-pwis, i va rdjonde se fré Teyo a Paris. C' est l' seule djin ki l' a måy ecoraedjî a ponde. Drola, i va dischovri les pintes impressionisses et les estampes djaponesses.

Vincent Van Gogh a dmoré on moumint a Cweme.

Difoûtrinnès hårdêyes[candjî]