Yann Lovelock

Yann Lovelock, c' est on ratourneu ey èn antolodjisse inglès ki s' a interessé ås powetes walons tins des anêyes 1980 et 1990. I a vnou å monde li 11 di fevrî 1939 a Birmingham.

Il a-st eplaidî deus antolodjeyes di powezeye e walon rimetowe e-n inglès : The Colour of the Weather (e 1980) et In the Pupil's Mirror (e 1997). Ça fwait k' il a stî relî come mimbe etrindjir del SLLW.

Come ratourneu, i s' a eto interessé a sacwants powetes flaminds, come Guido Gezelle et Hugo Claus, k' il a rmetou e-n inglès.