Yopôl I d' Beldjike

pondeure do portraitisse Franz Winterhalter

Yopôl I d' Beldjike (Yopôl prumî d' Beldjike) u Leyopôl prumî, di s' vraiy no Leopold Georg Christian Friedrich von Sachsen-Coburg-Saalfeld, c' esteut l' prumî Rwè des Bedjes. I skepia li 16 di decimbe 1790 (el Bavire) et mora li 10 di decimbe 1865.

C' esteut on prince di Sacse (on ptit payis ki s' va etrocler a ds ôtes po fé l' Almagne).

I dmoréve e l' Inglutere.

Cårire come rwè

C' est l' govienmint provizwere del Beldjike ki dmanda a Yopôl di Sacse-Cobork di divni rwè el Beldjike. Il aveut l' avantaedje d' esse sotnou des Prûssyins et des Inglès. Li candidat di dvant, on Francès, Louwis d' Bourbon s' aveut rsaetchî (il åreut stî rwè troes djoûs).^{(a-z aveuri)}

Il fourit oficirmint lomé li 4 di djun 1831. I prusta siermint li 21 d' djulete del minme anêye, djoû ki va divni li fiesse nåcionåle.

I fourit shuvou, sol trône del Beldjike, di s' fi, Yopôl II.

Vicåreye

I s' maria (e deujhinme noice) avou Louwisse d' Orleyan li 9 d' awousse 1832. C' est leye ki divna li prumire royinne des Bedjes.

I tchessive voltî å gros djibî. Il aveut ene måjhon å Bork. I scrijheut ses memweres e-n almand.

Hårdêye difoûtrinne

On tecse so ses tchesses a Sint-Houbert