Yopôl III d' Beldjike

e 1934

Yopôl III d' Beldjike (on dit eto Leyopôl III), c' esteut li cwatrinme rwè des Bedjes, li fi da Albert Prumî. I skepia li 3 d' nôvimbe 1901 et mora li 25 di setimbe 1983.

Vicåreye

E 1926, i s' mareye li 4 di nôvimbe 1926 avou Astride di Suwede.

I va divni rwè foirt djonne (a 33 ans), al moirt (pa accidint d' alpinisse) di s' pa, Albert I d' Beldjike, li 23 d' fevrî 1934. Mins il est ddja vef l' anêye d' après, la ki s' feme mourt dins èn accidint d' oto e l' Swisse.

Arive li guere di 40. I cmande l' årmeye bedje, et c' est lu k' anonce li rindicion do payis, après l' campagne des 18 djoûs. Foirt critikêye des Francès Mins ci n' est nén ene påye separêye (li payis dimeure dins l' guere), come li cene ki les Francès, tant critikeus, vont siner troes samwinnes pus tård.

• 
  a l' atacmint del guere di 40, dabôrd k' il a 39 ans
• 
  afitche po Yopôl III avou marké: «On n' roveyrè nén li campagne des 18 djoûs» (la k' il a dmoré a costé des sôdårs)
• 
  afitche disconte di lu ki s' rimaria et bén viker tins del guere di 40, adon k' il aveut dit «mi destinêye serè li minme ki l' vosse !»

Mins, e plinne guere, i s' rimareye avou Lilian Baels, çou ki va amoenner del haeyåvté disconte di lu, vinant di toplin des djins.

I fourit cåzu metou a l' ouxh pa ene revintreye des djins del Beldjike, å coron di çou k' on loma li Kesse do trône do rwè Yopôl III d' Beldjike. Si cwita-t i l' trône tot-z abdicant li 16 di djulete 1951, ey esse replaecî pa s' fi, Bådwin I d' Beldjike.

Hårdêye difoûtrinne

• On tecse so les ca et les ma di l' Afwaire Leyopôl III