Ahwache

Èn årtike di Wikipedia.
muzicyins avou les taburins et danseuses (padrî) a on fiestival
pitite trope, e-n ene shijhe privêye

L' ahwache (e cmon amazir marokin «ⴰⵃⵡⴰⵛ», AFE /ˈæħ.wæʃ/ aschoûtez lu), c' est ene danse foclorike do Grand Atlasse et des ôtès contrêyes (techelheyt-cåzantes a Nonne do Marok).

Dansaedje[candjî | candjî l’ côde wiki]

Les muzicyins sont metous å mitan, et le danseuses fwaiynut on rond åtoû d' zels.

Li nombe di danseuses pout aler disca on cint, dins les grandès fiesses.[1]

Normåldimint, les omes ni dansèt nén, mins onk des muzicyins pout fé on pas d' danse avou ene des danseuses.

Dins les shijhes privêyes, les danseuses vinèt priyî les djins, ome et cmeres, a s' mete avou zeles dins l' rond.[2]

Instrumints[candjî | candjî l’ côde wiki]

Les muzicyins ont des taburins (amazir ⵜⴰⵍⵍⵓⵏⵜ ⵏ ⵓⵃⵡⴰⵛ, tallolt n oHwach, u ⵟⵟⴰⵔⵜ ⵏ ⵓⵃⵡⴰⵛ, TTart n oHwach; taburin d' ahwache) et djouwer après èn adrovaedje d' on tchant «emey tchapele».

Gn a eto on gros tabeur, li bendir (amazir ⴱⵏⴳⵔⵉ, bengri), ki bouxhe erîlêymint, on côp a pô près totes les sgondes.

Pout gn aveur eto ene sôre di timbale lomêye "naqus", fwaite d' ene sôre di djante di rowe, k' on bouxhe dissu avou come deus gros picårds.

Vicansté[candjî | candjî l’ côde wiki]

L' ahwache si danse coranmint, disk' ås djoûs d' ouy, dins les fiesses di viyaedje et les fiestivals, ey eto po les tourisses di passaedje.

Sourdants[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l' ahwache .
  1. Jean Mazel, Énigmes du Maroc, Robert Laffont, Paris, 1971, ISBN 71-1-279650-3240, p. 230-233.
  2. Uzeu:Lucyin, vicaedje d' ene sifwaite shijhe l' Oucaymeden, djanvî 2019.