Spamaedje

Imådje:Booraedje po vinde.jpg

emile di bôraedje po vinde

Liu spamaedje, c' est l' evoyaedje pa on bôreu (on dit eto: on spameu; ça pout esse eto ene bôreuse u spameuse) d' ene cåkêye d' emiles a totès djins ki n' avént rén dmandé

Les spameus polnut bôrer les emilreyes, çou k' ehale les boesses ås emiles.

I polnut eto fé leu calinreyes so les djåspinreyes come les foroms éndjolikes u les waibe-bloks.

Les bôreus eploynut purade l' inglès. I polèt esse payîs pa des vindeus d' brimborions, u spamer po leu måhaitî plaijhi.

Sôre di bôreus

Imådje:Booreu aus sacwants adresses.jpg

emile d' on bôreu ås sacwants adresses

prumirès spores

• li biesse bôreu : il evoye des simpes messaedjes, avou rén d' laid åtoû.
• li bôreu po vinde : vos ofrixh des droukes, des bas tôs d' interesses evnd.
• li bôreu emantcheu : i vos evoye ene anonce po vos dire ki vos alez wangnî biesmint on hopea d' cwårs, mins vos dmande vosse conte el banke. Did la, i va asprouver di vos haper vos çanses.
• li bôreu rossea tchén s' arindjèt po k' ene laide hårdêye sikepiaxhe otomaticmint cwand on clitche ene sadju so leu-z emile (so èn ataetchmint, tot l' revoyant a ene sakî ki fwait des passetes, evnd.) Po vos amôdurer, i pout foirci l' emilreye d' onk di vos cousses, et evoyî si emile å no d' vosse soçon, po k' vos n' vos dismefiyîxhe nén.

Eployaedje di l’ adresse do spamé =

Gn a des spameus k' ont cmincî a-z eployî li prôpe adresse do rçuveu di spam, come adresse di l’ evoyeu. Ci sôre di spam la ni pout esse evoyî k’ a ene seule adresse, metans a pablo@walon.org, avou adresse di l’ evoyeu = pablo@walon.org.

Çoula, paski tos les sierveus d' emilreye acceptèt dins leus rîles les emiles ki vos vs evoyoz vos-minme. dabôrd, c' est ene tecnike po pleur stitchî l' messaedje. Gn a des passetes k’ arestèt ci sôre di spam la, mins mins tos les programes n’ end ont nén des sfwaites.

Fijhaedje di passetes po les bôreus

• d' après l' adresse emile di l' evoyeu.
• d' après l' coir do messaedje, po les bôreus ki rcandjnut tofer d' adresse emile, mins evoyî l' minme messaedje.