Minêye di Covite 19 el Beldjike

Èn årtike di Wikipedia.
Pol discramiaedje des årtikes avou l' mot « Parminêye 2020-2021 », loukîz cial.
Moucron, 31 di måss diviè 8 eures al nute : pailtaedje aplodixhrece po les sougnants

Pådje sol tcheriaedje del minêye di maladeye å cronivirûsse 2019 el Beldjike.

Faze di spårdaedje e stoumuligne[candjî | candjî l’ côde wiki]

fåze di muchyî spårdaedje (1 å 7 di måss), et montêye esponintrece des cas (13 å 21 di måss)

A pårti do moes d' fevrî, probåbe ki l' minêye s' a spårdou e stoumuligne disk' å cmince do moes d' måss. Bråmint des djins s' ont plindou di laids matchureas, foirt prindåves, adon k' les chifes oficirs d' epufkinaedje estént foirt bas. Insi, li 2 d' måss, on spiker di l' RTBF baltéve li sistinme di haitisté bedje insi : «El Beldjike, nos avans cwate côps dpus di minisses del santé (8) ki d' malådes do cronvirûsse ».

Li fôre ås lives di Brussele, do 2 å 6 di måss ni fourit nén anixhilêye. Lavola, li nombe di djins k' avént des masses (dins les standes) si contéve so les deus doets del mwin.

Li minisse federåle del santé, Maggie De Block, repetant les djudjmints di l' ODH (OMS), cåzéve di ptite herike, k' i s' aléve rapåjhî avou l' bontins. C' esteut ossu l' idêye do prezidint amerikin Donald Trump a ç' moumint la. Minme Antonio Guteres, li scretaire djenerå d' l' ONU, dijheut ås gaztîs li 26 di fevrî : «ci n' est nén (co) ene parminêye[1]

Recloymint[candjî | candjî l’ côde wiki]

cwand les djins pinsént co vite (djeu d' mot) esse foû del piyintche (10 d' avri 2020)
ouxhs clôs e l' comene (19 d' avri 2020)

Li gripaedje d' on plin côp do nombe di cas e moes d' avri va oblidjî l' govienmint a mete so pî ene celule di crijhe, avou kékes minisses do govienmint d' afwaires corantes, les prezidints des redjons et des minêyolodjisses.

I va decider on straegne recloymint li 13 di måss. Les djins n' pôront pus vudî d' leu måjhon, ki po-z aler fé leus comissions ås botikes ki vindèt d' l' amagnî. Et ki ç' soeye li pus près d' leu måjhon. Li police gadjrè les contruvnants.

Les botikes metnut des glaeces inte li contwer eyet les pratikes, ki dvèt fé l' cawêye, tertos a on mete onk di l' ôte.

Çou k' gn a d' bea, c' est k' on pout aler pormoenner (tot seu u avou ene ôte djin del famile), a pî u a velo. Ci n' est n' est insi dins tos les payis.

Li recloymint diveut durer disk' å deus d' avri, mins i s' a porshuvou disk' å moes d' may.

Prumî disrecloymint[candjî | candjî l’ côde wiki]

Il a cmincî pitchote a midjote, a pårti do moes d' avri, avou li rdrovaedje des grands botikes d' usteyaedje et les pepinierisses.

Les djins ont polou rvoyaedjî a pårti do moes d' may, mins sins vey dipus 10 djins foû d' leu clostea sociå. Ci n' est k' adon k' il polît raler dins leu deujhinme dimorance.

Les frontires avou les payis vijhéns ont rdrovou e moes d' djun.

Les cafès et les restorants ont polou rçure des pratikes a pårti do 19 di djulete 2020.

Rispitaedjes[candjî | candjî l’ côde wiki]

Coube del minêye

Li disrecloymint a permetou al minêye di rsôter a pårti del fén do moes d' awousse 2020. On a ddja rastrindou li nombe di djins a rvey a ç' moumint la.

El mitan do moes d' octôbe, les restorants et les cafè ont dvou rclôre pol deujinme côp.

Li må s' a rispårdou d' bele tins d' l' ivier, et totafwait a ristî clôs. Ene miete ridrovou pol condjî des mascarådes.

Mins li minêye s' a ehåsté e moes d' djanvî fevrî 2021, a cåze di wayimants pus fels a passer d' ene djin a l' ôte, come li variant inglès, adonpwis, l' indyin (ribatijhî neutrålmint «variant D»), adon k' les viyès djins kimincént a esse eploctêyes, tot avou les djins des ospitås.

Les eploctaedjes vont-st aler pus rade a pårti do moes d' may 2021, po-z avinde les 60 åcint di dobe-vaccinés å prumî d' awousse 2021 (cåzu 7 miyons d' djins, so 8 k' ont yeu leu prumire dôze). Li morance pal plôke tome cåzu a rén e mitan do moes d' djulete 2021. Gn a 25.000 djins k' î ont lai leus oxheas, dispu l' moes d' måss 2020. Portant, li herike rôle todi avou 1000 cas aveuris tos les djoûs.

Les cas ratakît a rhåssî e moes d' octôbe 2021, avou on nombe d' analizes pôzitives di 100.000 par djoû li 1î d' fevrî 2022. Ci wayimant la (lomé omicron) si prindeut foirt åjheymint, mins sins grande morance. Avou ça ki bråmint des djins djusse rescontrant des malådes s' alént fé tester, minme s' i n' avént rén, et poleur esse pôzitifs.

Touwance[candjî | candjî l’ côde wiki]

Vola les chifes del touwance e l' Beldjike.[2] Li touwance del gripe, c' est a pô près 2,5 pormeye.

Touwance del maladeye å cronivirûsse 19 e l' Beldjike
avri 20 djulete 20 nôvimbe 20 djanvî 21 avri 21 djulete 21 octôbe 21 djanvî 22
Nombe di moirts
diviè l' 25 do moes
150 2 150 75 37 1 15 20
Nombe di rascråwés
diviè l' 5 do moes
1300 75 7300 1950 3500 600 1730 21000
Morance (pormeye) 115 26 21 39 11 2 9 1

Les chifes do prumî moes (avri 2020) sont dazår sorpezés, veyanmint k' on aveut des astådjes po fé les analizes. Les cis do dierin (djanvî 2022) sont dandjreus trop fwebes, ca gn aveut des djins k' alént fé des analizes et ki n' estént nén clinicmint malådes (mins ki plént edjîstrer l' virûsse), Ça fwait ki l' chife n' est nén rmetåve al morance po les ôtes maladeyes — li gripe, metans — la k' i fåt esse vormint malåde po-z esse conté.

Sacwants consecwinces[candjî | candjî l’ côde wiki]

Les cwarmeas et carnavals ont stî anixhilés a pårti do 15 di may 2020 (li ci d' Bince et d' Måmdiy s' avént ddja passé, mins nén l' letaré di Ståvleu).

Pareymint avou les måtches di l' Eter-Sambe-et-Mouze.

E 2021, et pu co e 2022, totes les mascarådes ont stî disfindowes. Pareymint les rashonnaedjes uzançreces come les grands feus.

Dins les belès-letes e walon[candjî | candjî l’ côde wiki]

Loukîz a : Escôs del minêye 2020 dins les belès-letes e walon

Hårdêye difoûtrinne[candjî | candjî l’ côde wiki]

so Wikisourd: Cronike d’ ene minêye (tcheriaedje del minêye e l' Beldjike, pa ene djin k' el raconte moes par moes)

Sourdant[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l' minêye di gripe chinwesse el Beldjike .
  1. This is not (yet) a pandemia, oyou so on rapoirtaedje del tchinne di radio «France Info», «yet» «co» di «nén co» esteut dit precocioneuzmint avou ene pus ptite vwès.
  2. Chifes avirés a pårti del waibe Reuter, rascodous pa Uzeu:Lucyin, et prezintés ås scoles di Bive do 16 di fevrî 2022.