Novelan amazir

Èn årtike di Wikipedia.
Dessinaedje d' efant pol novelan amazir dins 4 lingaedjes: walon, kimon amazir marokin (2 scrijhas tifinars), arabe marokin (a hintche) ey arabe classike

Li novelan amazir, c' est l' prumî djoû di l' anêye do calindrî amazir, ki respond å 13 di djanvî.

Fiestixhaedje[candjî | candjî l’ côde wiki]

Il est fiesti purade li shijhe di dvant, li 13 di djanvî, dabôrd, ki s' lome lome ⵉⴹ ⵏ ⵉⵏⵏⴰⵢⵔ (iD n innayr). C' est ene sôre di rewoeyon, mins sins ratinde meynute, come dins l' novelan crustin.

On fwait tot bounmint ene boune eurêye. Å pus sovint on towe ene poye u ene dîne. Voltî avou ene påsse a pårt lomêye rfissa.

Dins sacwants coines do Marok, gn a des dujhances di muchyî on nawea d' date dins l' plat. Li ci u l' cene ki l' trouve årè del tchance tote l' anêye. Çou ki rshonne foirt ås dujhances del fiesse des Rwès, avou l' feve dins l' wastea.

Ôte pårt, on lait l' plat tote li nute sol plat toet, po-z awè come li foice des stoeles ki mousse didins.[1]

Sourdant[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l' Novelan amazir .
  1. Temognaedjes sol tchinne di tévé marokinne 2M li 13 di djanvî 2017.