Osteyopate

Èn osteyopate u ene osteyopate, c' est ene djin d' mestî ki rmete les oxheas e leu plaece, cwand il ont stî dbrôlés.

Motlî

Li tecnike k' il u elle eploye si lome osteyopateye.

Tecnike

Les osteyopates boutèt e-n ene seule seyance.

Cwand il ont veyou l' pårteye di l' eskelete k' a candjî d' plaece, i l' rimetèt daccion tot toirdant l' coir.

I n' fåt nén ovrer durmint li londmwin.

Ricnoxhance

Li mestî n' est nén co ricnoxhou pa l' Inami, e l' Beldjike, todi. Sacwants osteyopates sont eto des kinés. Ci n' est k' dins ces condicions la k' leus sognaedjes sont rpayîs ås pacyins.

Mins nerén, les mutuweles polèt rpayî ene miete des liårds k' on-z a dispintchî po ene seyance. Veyanmint k' ça n' est nén ricnoxhou på Inami, ça rintere dins les advintaedjes coplemintaires.