Poyowe djalêye

Pol discramiaedje des årtikes avou l' mot « djalêye », loukîz cial.

poyowe djalêye so on fi d' ronxhes

Li poyowe djalêye u djivronde, c' est l' edjalaedje, cwand i fwait foirt froed, di gotletes d' aiwes ki sont dins l' air. Ça fwait come des pwels di nive glaecêye ki pindèt après les fis d' telefone, di corant, ås coxhes des åbes.

Motlî

Des bokets d' poyowe djalêye ki vnèt djus des åbes si loumèt des råleures.

Poyowe djalêye et blanke djalêye

On fwait sovint ene diferince inte li poyowe djalêye eyet l' blanke djalêye u relêye (relaedje), ki c' est djusse del rozêye k' a edjalé, u des fleurs so les cwåreas. Adon, i gn a pont u waire di nive ôte pårt.

• 
•