Province do Roman Payis

Province do Roman Payis —Province do Braibant Walon
Province du Brabant Wallon

(Detays) (Detays)
Eplaeçmint del province e Walonreye
Lingaedje oficir	Francès
Lingaedje coinrece	Walon - Walon do Coûtchant - Walon do Mitan
No dès dimorants	?
Gouverneu	Gilles Mahieu
Eplaeçmint	- Walonreye - Beldjike
Sitindêye	1090 km²
Peuplåcion (2018)	+/- 401.106 dimorants
Dinsité (2018)	$401.106\div 1.090=$ 36,79 dimorants/km²
Coisse d' eure	ECG (ECG+1) / CEST (UTC+2)
Preficse telefonike	(+32) - 010 : Redjon d' Wåve - 02 : Bijhe - 067 : Redjon d' Nivele

Li province do Roman Payis (on dit eto do Braibant walon u del Braibant walone; fr: Brabant wallon), c' est ene province di Walonreye, sikepieye après l' pårtixhaedje del viye province do Braibant e 1995.

Sourdant d' l' alomåcion "Roman Payis"

Li vî no di Roman payis fourit dné do tins kel Braibant compurdeut des populåcions tîxhones et walones, po cåzer del pårteye walone do Braibant.

Mwaissès piceures

Elle est pårteye en 1 seu arondixhmint po 27 comenes intités.

Si mwaisse-veye est Wåve.

Elle a des frontires avou (dins l' sins des aweyes d' ôrlodje tot-z atacant å nôr): les provinces bedjes do Braibant flamind, di Lidje, Nameur eyet do Hinnot. Ç' est li seule province di Walonreye ki n' a pont di frontires avou èn ôte payis. Li Braibant Walon est l' pus ptite province di Walonreye eto.

Istwere

Li Braibant walon a-st askepyî e 1995, après l' pårtixhaedje del viye province do Braibant e troes bokets: deus novelès provinces, li Braibant walon eyet l' Braibant flamind; eyet li teritwere del Redjon brusselwesse, ki n' est pus dins nole province.

Comenes del province

Arondixhmint d' Nivele

L' Abeye Bôvetchén Brinne-l'-Alieu Brinne-Tchestea Coû-Sint-Stiene Djinape Djodogne Élessene L' Elpe Gré Incoû Ite Lane Mont-Sint-Wubert

Nivele Ocgniye-Li Noû Lovén Oû-Djåce Perwé Ramiêye Ribek Ricsinsåt Tchåmont-Djistou Tchåsse Tubize Walin Waterlô Wåve