Ucaliptusse

ucaliptusses siervant d' prandjloe po des berbis

Les ucaliptusses, c' est des åbes ki provnèt d' Ostraleye, mins k' ont stî rplantés dins bråmint des setchs payis.

End a des dijhinnes di diferinnès indjes.

Vinaedje

I vént bén dins les payis k' il î fwait tchôd, et k' i ploût cwand minme 200 a 300 milimetes par an. C' est l' åbe ki vént l' mî dins ces payis la.

I pompe bråmint dins les poujhåvès aiwes.

I crexhe foirt rade.

I rdjete so li stok. Ey eto si on l' côpe pus hôt, a môde di buwote. Mins nén s' on l' côpe on mete hôt.

Po disnaivyî èn ucaliptusse, fåt dischinde deus metes fond.

Uzaedje

On l' sait ddja côper (po do papî) après ene dijhinne d' anêyes.

I vike 40 a 50 ans, nén dpus. Adon, on l' sait espweter po do blanc bwès (caisses, ewalpaedje).

I sieve eto come ombrire po les biesses prandjler.

Les foyes siervèt dins les sirop pol tosse pa leu mier prodût, l' ucaliptol.