Albert Rousseau

Albert Rousseau, c' esteut on scrijheu e walon k' a skepyî Grand-Lé li 3 d' decimbe 1906. Moirt e 1992.

Il est rprins dins l' antolodjeye Fleurs diyalectåles et dins l' Antolodjeye Scrire.

Di s' mestî, il esteut facteur a Fleuru.

Ouve pol walon

A Fleuru, i rescontra Henri Petrez k' el poûssa a scrire e walon.

Come si mwaisse, i scrijha des fåve et des ôtes arimés, ttossu bén dins l' lingaedje di Grand-Lé, ki dins l' ci d' Fleuru.

Il a moussî ås Relîs Namurwès e 1962.

Avou sès soçons, meta li soce des Romans Scrijheus dsu les rayes e 1969.

Egzimpe di boket da sinne

Såjhons

Dj' a bén rpelé totes les pî-sintes

et rpiké des fleurs — gn a ddja mwintes —

po vs fé plaijhi.

Dj' a rintré m' frumint et mi avoenne,

et ramoenné mes djoyes, mes poennes,

dins vosse tcheri.

Dj' a disca mexhné totes les foyes,

po-z î mète vosse cour a l' rimouye,

dissu l' paxhi.

Et nos irans dvant k' i n' bijhele,

Nos deus, sayî d' conter les stoeles

do paradis.

Hårdêye difoûtrinne

Sacwants d' ses powinmes (e sistinme Feller)