Ågne

Èn årtike di Wikipedia.

Po des linwincieusès racsegnes sol mot "ågne", alez s' vey sol Wiccionaire

L' ågne est co ene biesse di tcheriaedje (Marok, 2002)

Ene ågne (u: èn ågne) u on bådet, u ene bourike u èn aze , c' est ene biesse ås tetes, k' a cwate pates et ås longuès orayes.

Sincieus no d' l' indje : Equus asinus.

Famile : tchivalidîs

Motlî[candjî | candjî l’ côde wiki]

El Walonreye, l' ågne est sovint rwaitî come l' imådje del biestreye.

Li frumele si lome ene både u ene ågnesse u ene borike.

Li ptite ågne si lome ågntea, u boricot, u boriket.

On dit kel bådet hiyanle (k' i fwait hiyan) u k' ele brait: c' est l' henixhon, li hiyanlaedje u hiyanlmint; on dit eto ki l' ågne hiyanle (k' ele fwait hiyan) u k' ele brait.

Mopliyaedje[candjî | candjî l’ côde wiki]

Li både pout esse covrowe pa on bådet u pa on roncén. Dins l' prumî cas, il è rexhe èn ågntea, dins l' deujhinme, on moultea.

Ele va 11 moes.

Come li cavale, ele pout aler a måye dins les ût djoûs ki shuvèt l' bådlaedje.

Li pureure est d' ene seule pîce, come li cene d' ene cavale.

Dins les såvadjes nos[candjî | candjî l’ côde wiki]

L' ågne est eto li spotaedje des djins di sacwants viyaedjes el Walonreye :

Commons
Commons
I gn a so les cmons Wikipedia des imådjes ou fitchîs son a vey avou les ågnes .