Åres nåcionåles di l' Oucrinne

Èn årtike di Wikipedia.

Les åres nåcionåles di l' Oucrinne ont les minmès coleurs ki dins s' drapea: on tchamp bleu avou on djaene tridint — li simbole des viyès tribus ki viként dins l' vî tins dins çou ki dvénrè l' Oucrinne, et k' a stî pus tård riprind påzès mwaisses Rutenyins.


Ene variante foirt populaire (mins ki n' a måy sitî tchoezeye oficirmint), c' est les Grandès Åres, ki l' essegne est sopoirtêye sol hintche pa on liyon (sovint, mins nén todi, avou so s' tiesse li corone k' on trouve so l' essegne del Galizeye), eyet sol droete pa on cossake, avou ses mousmints tradicionels eyet on musket, li simbol do Hetmanat Cossake. Sol dizeur, i gn a l' corone da Volodymyr li Grand, po rprizinter li sovrinnté d' l' Oucrinne; eyet sol dizo, des rodjes fruts et des påtes avou on bleu ruban avou les troes mots Воля, Злагода, Добро (liberté, acoird, bonté) del divize nåcionåle, oudonbén on ruban avou les coleurs do drapea.

End a po dire ki les desséns do trident c' est les cwate letes cirilikes ВОЛЯ, çou ki vout dire liberté en oucrinnyin.