Bateme

Èn årtike di Wikipedia.
Potchî a: naiviaedje, cweri
Pol discramiaedje des årtikes avou l' mot "Bateme", loukîz cial

Li bateme, c' est on sacramint del rilidjon crustinne ki fwait moussî li batijhî e l' Eglijhe.

Li batijhî pout esse on ptit efant, mins pacô eto ene grande djin k' a djusse sitî catrucimêye.

Istwere[candjî]

C' est Djhan Batisse k' a l' prumî vudî di l' aiwe sol tiesse di croeyant, avou l' såme di les rapurer di leus petchîs, et les fé tchoezi ene droete voye. Djezu-Cri s' a fwait batijhî pa Djhan Batisse.

Disrôlmint classike do bateme el Walonreye[candjî]

On batijhive l' efant li pus rade possibe après l' nexhance. Li mame estant co flåwe, et nén ramesseye, c' est l' mårene ki poirtéve li påpåd a l' eglijhe, avou l' pårén et l' pa.

C' est l' priyesse ki batijhe l' efant, tot lyi vudant di l' aiwe so s' tiesse, et l' enôler (li oende avou del sinte ôle).

Après, divant l' eglijhe, les pårén et mårene tapént des çanses a tos les efants do viyaedje, ki s' avént rashonné po ça.