Bernard Louis
Èn årtike di Wikipedia.
Bernard Louis a skepyî li 3 d' fevrî 1947 a Nametche.
C' est on scrijheu e walon k' a shût les cours di walon ås Relîs Namurwès e 1992. Il atake do côp avou des ptits bokets ki seront-st eplaidîs dins les Cayés Walons a cmincî di 1995.
Il prind pårt eto ås copinreyes come li Soce des rcåzeus del Basse Årdene a Bietris. Did la i mousrè al Rantoele, et-z î esse penleu èn an å lon (1999). I va eto ås raploûs des "Walons Scrijheus d' après l' Ban-Bwès" (di 1998 disk' al fén del soce e 2005). Il est ossu administrateur å Coirneu a Hu.
Costé teyåte, i va renonder li dramatike "Les Falijhes" a Nametche (2003).
Dispu l' moes d' djanvî 2003, il cåze dins l' posse a l' emission radio e walon "eshonne" (èchone) a "Cyclone RCF" (98.7 FM a Nameur), ki rpasse so les fyis a "Radio Musicadeon" dispu 2006.
Il a stî publiyî al SLLW : Tot fiant betchî l' coq, ene ramexhnêye di noveles (2003).
Di s' mestî, il esteut prof di latén-grek.
[candjî] Hårdêyes difoûtrinnes
- Pådje avou sacwants d' ses scrijhaedjes (rimetous e rfondou walon, so l' Aberteke)
- Ôte pådje (avou l' accint d' Nametche, sol djåspinreye "Li walon d' emon nozôtes")
- Emission "Eshonne" (londi et mårdi a 6 e. et dmey, ECG +1.
