Bovesse
 |
Cisse pådje ci (so les viyaedjes walons) n' est co k' on djermon, dj ô bén kel pådje est co trop tene et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions. |
Bovesse est èn ancyin ptit ban del Walonreye, rebané avou Les Brouhires.
- Limero del posse: 5081 (vî limero 5850)
- Limero diyalectolodjike: Na 46
- Arondixhmint: Nameur
[candjî] Djeyografeye
Avou si sitindeye di 409 hèctâres, Bovesse est li pu p'tit viyaedje des Brouhires. E 1840, i gn aveut 325 dimorants. E l'prumî d' djanvî 2005, i gn aveut 886 dimorants. Durant les electionaedjes do 13 di djun (Pårlumint Uropyin èt Cossey Redjonal Walon), 654 djins estint inscrites so li lisse des electeus. Li nonbre d'electeus a ôssé di 21 djins rapoirt as elections ledjislatives do 18 di may 2003.
[candjî] Istwere
L'ôridjine del non di Bovesse vénreut del fôrme romane di Bovesch (bén ki, djusk'asteure, on åye trové pont d'traece materielle del occupation romin.ne). A 14e sieke, Jacquemin di Bovesch tént on fief consècant èl ban do Feix : i s'ajit del signeurreye del Vaux (Mohimon è li distillereye). Cisse signeurreye passe è 1450 ås d'Oultremon ki li wårderont djusk'è 1725. Li parteye feyodale passe al Comte di Hoen divant di yesse rivindowe è 1743 å Comte di Bâlatre. E 1759, ele passe å Comte Cornet d'Elzius ki i egzerceut li pouvwâr di håte, moyin.ne èt basse djustisse. E ci ki concerne li signeurreye fonciére, cisse-cile est vindowe e 1757 a Nicolas Passquet po li parteye censale ; po li parteye feyodale, li tchestea èt dèpindanses, il estît vindous a Renir Marchand di Merdorp. E 1780, c'est a Renier Marchand, fi do ci di d'vant (tchènon.ne di Cinè) ki tchairè li tchestea èt les dèpindanses. Gn aveut des djins d' Bovesse po-z ebaguer eviè l' Wisconsene sol difén do 19inme sieke.
