Calindrî amazir

Èn årtike di Wikipedia.
Potchî a: naiviaedje, cweri

Li calindrî amazir (lomé e-n arabe "calindrî des cinsîs"), c' est on calindrî eployî e l' Afrike bijhrece, aprume dins les viyaedjes. Ostant dins les payis la k' on djåze l' arabe ki les cis la k' on djåze amazir.

I shût les moes do solea, et nén del lune, come li calindrî arabe.

Li novelan est fiesti li 13 di djanvî. On dit ki "nayir" a cmincî. On fwait tot bounmint ene boune eurêye li djoû di dvant al nute udonbén ci djoû la. Å pus sovint on towe ene poye u ene dîne.

L' anêye 0 a stî tchoezeye e 950 divant Djezu-Cri. C' est diviè ciste anêye la k' a skepyî li farawon d' Edjipe Shoshenq I, riwaitî come li pus rlomé rprezintant do peupe amazir.

Adon-pwis, l' anêye shût a pô près les minme moes ki l' calindrî gregoryin. Mins les moes sont pårtis e 3 dijhinnes (menzla).

Gb a eto deus grandès såjhons di 40 djoûs, li "yali" (do 25 di decimbe å 31 d' djanvî), et li "smaym" (tins des moes d' djulete et d' awousse).