Cawete -î
Li cawete -î et ses femrins -resse et (pus rålmint -ire) polèt siervi :
- a des nos d' mestîs : ovrî, cinsî, banslî, tchertî, tchårlî, coibjhî, munujhî, boledjî, botchî.
- a des nos di dmanants d' on viyaedje, d' ene måjhon : barakî, Transinî, Bouyonî, Curfotî, Clairmonî.
- a totès sôres : bovrî, mestî.
Dins les noûmots, i plnut siervi :
- a des noveas mestîs : politikî, politicresse, infôrmatikî
- a des dmorants d' viyaedje :
I s' pout stitchî e chtoumuligne dins des sinsieusès cawetes, a môde di rwalonijhaedje, come li cawete -idî : bascolidî, tchetidî, tchinidî.
Ådvins |
Etimolidjeye [candjî]
Li cawete omrinne -î vént del cawete latene -ariu.
Mins li femrin -resse ni rmonte nén å latén. Il a dandjreus skepyî sol cogne del cawete -resse dobe femrinne del cawete -euse. [1]
Cawete femrinne [candjî]
Tchuze [candjî]
E rfondou, on-z a ptchî di relire eto li cawete -resse. C' est l' seule k' on rtrove dins les noûmots. Mins li cawete -ire dimane po les mots avou ene dobe cossoune å coron (po n' nén aveur troes cossounes ki s' sujhèt) : tchårlire, coibjhire.
Diyalectolodjeye [candjî]
Candjmint del cawete -î et di s' femrin ezès accints do walon.
cawete omrinne [candjî]
Li cawete -î est cåzu sins bodjî so tote li Walonreye. [2]
cawetes femrinnes [candjî]
Po les mots "classikes", li femrin avou "-resse" est foirt lådje oyou. [3]
So les aschates walon-picård et walon-gåmès, on-z a eto -ière (cinsière).
Sourdants [candjî]
- ↑ Jules Feller, Notes di filolodjeye walone, p. 177.
- ↑ Loukîz al mape ey el notûle A.L.W. 1. 60 (mestî).
- ↑ Loukîz al mape A.L.W. 9. 1 ey ezès notûles 9. 1 et 2. (cinsresse).
