Ceke polaire artike

Èn årtike di Wikipedia.
Potchî a: naiviaedje, cweri

Li ceke polaire artike est onk des cénk mwaisses paraleles metous so les mapes daegnreces. C' est l' paralele ki s' trova al latitude di 66° 33' 38" a bijhe del roye di l' ecwåteur. Dins totes les plaeces a bijhe do ceke polaire artike i gn a pol moens on djoû d' l' anêye ki l' solea dimeure å dzeur del roye do cir les 24 eures do djoû en erote; del minme manire totes ces plaeces a bijhe do ceke polaire ont pol moens on djoû d' l' anêye ki l' solea dimeure 24 eures en erote pa dzo l' roye di cir, sins s' mostrer. Dj' ô bén, c' est l' limite wice ki l' solea n' si coûtche nén e l' esté, et n' si leve nén e l' ivier — pol moens so ene djournêye etire, et di pus a pus d' tins tot-z alant viè bijhe.

A nonne del bole daegnrece i gn a-st on sfwait ceke polaire, lomé li ceke polaire antartike.

Li naiviaedje del Tere åtoû do Solea eyet li movmint del Tere so leye minme fjhèt ki l' limite do ceke polaire candje ene miete di onk ou deus metes en avant ou en erî tchaeke djoû, shuvant on cike di 40.000 ans.