Charles Josserand
Èn årtike di Wikipedia.
Charles Josserand (e walon Tchåle Djosran), c' est on scrijheu e walon k' a skepyî li 9 di decimbe 1907 et k' a morou li 22 d' setimbe 1999.
Come bouteu pol walon, il a cmincî e 1934 tot metant so pî li walon e scole å payis d' Lidje. C' est tot naturelmint k' i divna l' prumî prezidint do CRIWE e 1980. Il a eto scrît des livret d' esplikêyes sol walon e francès come "Le wallon, langue de Wallonie". Et dner des scoles di walon.
Come sicrijheu e walon, i fjha des ratournaedjes do grek et do latén aviè l' walon. Il a eto eplaidî ene ramexhnêye di powezeyes "Råvions d' al vesprêye" (1992). Gn aveut eto sacwants sinnetes divins.
Il esteut eto on avanciveus, po tot çou ki rwaite li schapaedje del langue walone. Il esteut mimbe del Tåvlotêye rifondaedje di l' UCW. Si a-t i foirdjî sacwants noûmots, pår des cis ki s' ont spårdou lon et lådje come "copinreye". [1]
I fourit relî dins l' Antolodjeye Scrire.
Di s' mestî, il esteut prof d' umanités, tot dnant on côp d' mwin a l' univ di Lidje la k' il aveut stî assistant, estant djonne.
[candjî] Sourdants & pî-notes
- ↑ M. Slangen Tchåle Josserand nos a cwité, Bulletin wallon, octôbe 1999.
