Clouctea

Èn årtike di Wikipedia.
Potchî a: naiviaedje, cweri


Clouctea
Alytes obstetricans - Clouctea
Alytes obstetricans - Clouctea
Classifiaedje syintifike
Ringne: Animalia (biesses)
Ecoxhmint: Chordata (biesses al schene)
Classe: Amphibia (glumantès biesses)
Ôre: Anura
Sor-ôre: Archaeobatrachia
Famile: Discoglossidae
Djinre: Alytes
Indje: obstetricans
No e sincieus latén
Alytes obstetricans LAURENTI

On clouctea (on dit eto clouctrê, clouk, cwåkea, cloukete, clotchteu[1], c' est ene sôre di ptit crapåd, ki fwait des "clouk, clouk", al nute, a l' esté, et ki dmeure dins les vîs meurs. A Lîdje, Vervî et Måmdey, on dit eto lurtea.

No e sincieus latén : Alytes obstetricans

Alez s' vey e splitchant motî po des linwincieusès racsegnes so les mots "clouctea", "clouctrê" "cloukete" et "cwåkea.

Les djins d' Måjhret sont spotés "les Cloucteas" (la-minme : "Cloupias").

Discrijhaedje[candjî]

C' est des ptitès glumiantès biesses, ki n' sont nén pus k' 5 cintimetes longues. Li dzeu do coir est grijhåsse, avou tos ptits nocrês. Li dzo est brun schite.

cloukea ki poite ses oûs (poirtrait kécfeye dizo abondroets)

Mopliyaedje[candjî]

Après l' adjermelaedje, li måye wåde les oûs sor lu. End a 70 a 80. Il î dmorront disk' å discloyaedje, la k' il irè mete les maclotes e l' aiwe.

Dispårdaedje[candjî]

Dispårdaedje do clouctea

Li clouctea, c' est ene biesse k' on n' trove k' e sacwantès coines di l' Urope. Foû del Walonreye, on l' rescontere el France, el Swisse, e l' Espagne ey å Portugal, al Bijhe, et tot do long del Mîtrinne Mer (mins nén disk' å Stroet d' Djibraltar). E l' Almagne, end a sol hintche erive do Rin, et disk' ås tienes del Basse-Sake.

No dins des ôtes lingaedjes[candjî]

  • e l' almand corant : Glockenfrosch (rinne ås "gloks").

Sourdants[candjî]

  1. Po saveur tos les lomaedjes do clouctea e walon, e 20inme sieke, alez s' vey a l' ALW 8.