Walon do Coûtchant
Li walon do Coûtchant, c' est l' accint walon djåzé dins l' Coûtchant del Province di Nameur (arondixhmint di Flipveye) et do Roman Payis (Nivele, Djinape), mins copurade sol Levant del Province do Hinnot (Tchålerwè).
C' est onk des cwate mwaisses accints do walon avou l' walon do Mitan, li walon do Payis d' Lidje, et l' ci del Basse Årdene.
I n' est nén crånmint pårtixhåve do picård. Inte les deus, gn a les aschates walon picård. C' est on payis di passaedje, pitchote a midjote, inte li walon do mitan eyet l' picård. Droldimint, on rtrove eto des piceures lidjwesses (metans codjowaedje do DIE pluriyal avou -ît : i metît, i tchantît)
Gn a pont yeu d' saye d' unifiaedje do walon do Coûtchant, mågré li pwès d' Tchålerwè å mitan di cisse zone la.
Sacwantès piceures do walon do Mitan [candjî]
Li mwaisse piceure do walon do Coûtchant, c' est les dvanceyès voyales :
- el tchivå, ès feme, èç djin ci
Cisse tourneure la a stî rprinjhe e rfondou walon Li [[spotchåve voyale est "è"
- djè di ça;...
Disfondowes des betchfessîs scrijhas [candjî]
- betchfessî XH dizo cogne CH (pechon)
- betchfessî JH dizo cogne J (prîjon)
- betchfessî SCH sovint dizo cogne SK : diskinde (ådischinde), escouvter (åschovter), scou (åschô), il a scô ses dints (schô 2).
- betchfessî å dizo cogne "au" (aube) u â (il âra).
- betchfessî ô dizo cogne "ô", nén naziålijhî, omofone di "au" : ôte, trô (sovint scrîts aute, trau)
- betchfessî OE dizo cogne "wè" : twèt, dwèt u "oû" (droût, arayoû)
