Coirbå

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "coirbå", alez s' vey sol Wiccionaire

Coirbå
Corvus frugilegus
Corvus frugilegus
Classifiaedje syintifike
Ringne: Animalia (biesses)
Ecoxhmint: Chordata (biesses al schene)
Classe: Aves (oujheas)
Ôre: Passeriformes (pareys ås moxhons)
Famile: Corvidae (coirvidîs)
Djinre: Corvus
Indje: corax oudonbén frugilegus

On coirbå, c' est on gros noer moxhon del famile ås coirbås. E walon, on lome coirbå deus especes di coirbå : li grand coirbå (Corvus corax), k' a divnou mo råle e Walonreye, eyet li ptit coirbå C. frugilegus.

On lome coirnaye l' especes Corvus corone cornix et gris mantea l' espece C. corone corone.

Corvus corax[candjî]

C. corax

Li grand coirbå est long di 54 a 67 cm eyet est lådje (avou ses aiyes sitindowes)di 115-130 cm.

I vike dins les boes, les montinnes ou les falijhes åd dilong del mer. Li måye eyet l' frumele vikèt eshonne po ttafwait l' vicåreye. Il est cimådje, mougne di tot eyet del tchå. C' est on des pus grands moxhons, pu grand kel brouhî. Si spès betch est veyåve cwand i vole.

On pout rconoxhe si vwès ca ele fwait beacôp d' brût ey est clouctante avou des «R» rôlés.

Corvus frugilegus[candjî]

Pu comon e Walonreye eyet pu ptit ki C. corax, il est long di 41 a 49 cm eyet lådje (avou les aiyes) di 81-94 cm.

I vike e groupe dins les coûteures al copete des åbes, ewou ç' ki fwait ses gros nids, dilé les cinses et les vilaedjes. I n' a nén foit peu des omes, mougne di tot mins copurade des insekes.

Si cris est rispeus, come s' i vneut del narene et fwait mo d' brût. [1]

Sourdants[candjî]

  1. Lars Svensson et al., 2000. Le guide ornitho. Delachaux et Niestlé, Paris