Coussour

Èn årtike di Wikipedia.
Potchî a: naiviaedje, cweri

Coussour (fr: Cousolre) est on viyaedje di France, dins l' Avinnwès, depårtumint do Nôr, astok do payis walon (Biômont).

  • Dimorants: 2470 (1999)
  • Limero del posse:
  • Depårtumint do Nôr
  • Sitindêye: 20,69 km²
  • Limero diyaletolodjike: [PT 57] (Atlas etnolodjike picård).

Coussore si trove e vå del Thure. Li comene a troes hamteas: Les Haies, Marsignies eyet Reugnies, mins l' plupårt des dmorants vikèt-st å cinte do viyaedje.

L' etimolodjeye do no est èn aplacaedje tîxhon coû (corti, cinse) + Sour (no d' aiwe divnou no d' viyaedje), Sour-li-cinse (eneviè: Sour-Tchestea). Vî scrijhas: Curtisolra, Cousorre, Cousores, Cousors, Coursorre, Coussolre, Coursolre.

Viyaedjes di Walonreye avou l' minme etimolodjeye: Sour-so-Sambe, Sour-Sint-Djri.


Istwere[candjî]

C' est a Coussour k' on vnou-st å monde Sinte Aldegonde (630-684) et Sinte Wådrou (612-670).

Economeye[candjî]

Coussour fourit cnoxhowe lon et lådje pa si industreye do mårme, i gn ourit inte 1870 et 1914, la ki l' activité esteut å pus hôt, disk' a 74 ovroes. Les mårmes di Coussour ont stî eployîs pol fijhaedje do chestea d' Versailles; ey eto evoyîs dins bråmint des payis: Canada, Estats-Unis, Braezi, Ourougway, Årdjintene, Marok, Nonne Afrike, Edjipe, Taylande, Inglutere, Irlande, Beldjike, Itåleye, Almagne, Yougoslaveye.

Lingaedje do payis[candjî]

Li lingaedje do payis est sovint metou come estant do picård, la k' c'&bsp;est l' cawete picåde -iô k' est eployeye; mins nerén, li lingaedje a eto bråmint des traits walons come li candjmint des son k, g => tch, dj, ou co l' wårdaedje des s laténs; dj' ô bén ki, linwisticmint, c' est purade do walon ki do picård

picård a Coussour walon
capiô tchapiô tchapea
dèbyî desbyi disbiyî
ètrannè strannè s(i)tronner
garét djèrét djaret

Sicrijheu e picård: Jean Lagaume.

Difoûtrinne hårdêye[candjî]

Waibe del comene