Diyalectolodjeye
Èn årtike di Wikipedia.
Li diyalectolodjeye, c' est ene coxhe del linwince ki studeye les diferinces inte les diyalekes d' ene plaece a l' ôte, k' i soeyénxhe u nén dins l' minme lingaedje.
Les diyalectolodjisses vont trover des djins skepyîs dins l' payis, et ki djåzèt coramint l' pårler. I les lomèt des "temons". I lzî dmandèt di ratourner des mots, sovint dins li spotchant lingaedje, eviè l' pårler do payis.
Après, i dessinèt des mapes tot croylant les plaeces la k' i gn a li pus d' adire inte deus pårlers vijhén. C' est les faxhenes d' izoglosses.
L' ovraedje tecnikes des diyalectolodjisses vént todi bén a pont po les rfondeus. C' est zels, metans, ki mostrèt les limodjes d' on pårler k' on vout rfonde.
Mins l' diyalectolodjeye sipåde ossu dins on lingaedje nén co ehåyî ki l' idêye tote fwaite ki les pårlers sont foirt diferins inte n' on l' ôte. Ciste idêye la divént on fel arayoe po li rfondaedje d' ene langue.
Li diyalectolodjeye do walon est studieye so ene pådje tote seule.
[candjî] Istwere del diyalectolodjeye
Li diyalectolodjeye, come syince, a skepyî al fén do 19inme sieke.
[candjî] Mapes diyalectolodjikes
Les diyalectolodjisses bastixhnut voltî des mapes la k' i rpoirtèt li spårdaedje des diferins sinonimes, u les diferins prononçaedjes d' on mot.
