Dobe erî-tins

On dobe erî-tins ou rirpassé tins, c' est on tins d' codjowaedje basti so l' viebe "awè" codjowé a èn erî-tins, shuvou do pårticipe erirece do viebe eployî a ç' tins la.

• dj' a-st avou fini po 3 eures.

Les dobes erî-tins ni s' eploynut ki dins sacwants adjinçnaedjes di croejhete.

Sacwants uzaedjes corants

avou "après ki"

Après k' il a yeu tchanté, i s' a respåmé l' gozî avou deus troes djoupeyires.

Après k' elle a yeu fwait ene pikeure a Leyon, l' infirmire ercomande a Djelike di n' nén pårler (Louis Lecomte, Ramaedjes).

avou "cwand"

Mins ki vout dire eto "après ki"

Cwand t' årès yeu tot ratchawté, di mu çou k' ti m' vous.

Cwand l' Bon Diu a yeu metou nos prumîs parints å pas, i n' a nén distrût l' paradis (Jacques Desmet, Noveles di Mélin).

avou "si"

Dins ene fråzlete avou "si" ki cåze d' ene sacwè ki n' s' a nén passé.

Si dj' åreu yeu clôs m' grande gueuye...

Li "si" pout esse rissaetchî, mins li sinse est l' minme :

T' åreus yeu arivé cénk munutes pus vite, tel schapéve !

Hårdêyes difoûtrinnes

• Les dobes erî-tins (e francès, dins l' grosse croejhete da Hendschel)
• Les rirpassés tins (e walon, dins l' pitite croejhete da Hendschel)