Dobe lete LH

Èn årtike di Wikipedia.
Potchî a: naiviaedje, cweri

Li dobe lete LH, c' est on scrijha k' est eployî, ou k' a stî pa sacwants lingaedjes romans po noter on moyî L.

Les ortografeyes do portuguès eyet d' l' occitan l' eployèt co asteure.

Li dobe lete LH e walon[candjî]

Ci scrijha a-st aparexhou e vî walon diviè 1250.

I pout esse shuvou dins les nos do viyaedje di Påye : Palia, 1179; Paalhe, 1258; Pailhe, 1317.

plake do viyaedje di Boye

On l' ritrove eto dins des ôtes vîs scrijhaedjes di no d' plaeces, come Boëlhe

Çoula mostere kel shuvion L + Y do hôt-latén a divnou on seul son e walon, li son yod. On l' voet bén dins des mots come aweye, botaye, foye (mapes ALW 1.1., 1.6., 1.42.).

Ci candjmint la va fé l' adire inte li walon eyet l' picård, la ki ci shuvion la dene li son L. C' est parey e normand.

Po sacwants mots, la kel shuvion L + Y n' est nén si clair, ci candjmint la ni s' a nén passé dins totes les coines del Walonreye. Insi, po on mot come stoele (erî-rfwait latén stella, mape ALW 1.38), swele, toele, (a)rantoele (notûle ALW 8.158), gn a k' ene pitite coine e l' Basse Årdene k' a des disfondowes avou Y. Sacwantes di ces cognes la (iye, aiye) ont stî relîtes e rfondou, come sorwalondes.

Eto, el dobe lete LH est rwaitêye come on cåzu-betchfessî.