Fraine-dilé-Anvegn

Èn årtike di Wikipedia.

Fraine-dilé-Anvegn (so plaece, on prononce Frêne-lè-Anvègn, F. Frasnes-lez-Anvaing), c' est ene novele intité, e payis picård, askepieye li prumî d' djanvî 1977 pa rebanaedje di sacwants viyaedjes di l' arondixhmint d' Ate, el province do Hinnot, metous dilé Anvegn.

Eplaeçmint d' Fraine-dilé-Anvegn el province do Hinnot
  • Dimorants: 10.902 (2004)
  • Limero del posse: 7911
  • Arondixhmint: Ate
  • Sitindêye: 112,44 km²
  • Dinsité; 96,95 djins/km²
  • Hôteur: di 20 a 200 metes
  • Cowordonêyes: 50.67° Nôr, 3.62° Ess

Ban d' Frinne-dilé-Anvegn[candjî | candjî l’ côde wiki]

Djeyografeye[candjî | candjî l’ côde wiki]

Fraine-dilé-Anvegn si trouve dins l' province do Hinnot, ey a come vijhenes les comenes walones d' Ate, Cele, Elziele, Leuze-e-Hinnot, Mont-d'-l'-Inclû eyet Tournai et l' comene flaminde di Ronse. Ele si stind so 11.244 ectåres eyet ses ponts les pus bas et pus hôts sont a 20 et 200 metes å dzeu do livea del mer.

Li comene est dins l' province do Hinnot, e l' arondixhmint administratif d' Ate, eyet e l' arondixhmint djudiciåre di Tournai.

Tourisse[candjî | candjî l’ côde wiki]

Å miercorin do Payis des Tienes, li comene a bråmint d' cwè assaetchî les tourisses. Les tchmins mårkés di pormoennåde-dischoviete åd triviè des diferins viyaedjes permetèt di dschovri les payizaedjes et les monumints.

Li tchestea d' Anvegn est ene plaece istorike la k' fourit sinêye li capitulåcion d' l' årmêye bedje li 28 di may 1940. Ci tchestea la fourit basti e 1560, eyet l' tchestea, et ses cotoûs, sont classés. Tchaeke dierin vénrdi do moes d' awousse on-z î djowe teyåte e plin air.

On î pout lodjî åjheymint, gråces ås djîsses rurås; i gn a-st eto sacwants restorants, tchaeke avou si specialité.

Ôtès curiozités touristikes:

  • Li måjhone do souke (wice k' on pout aprinde totafwait sol souke), eyet ene posteure, å mitan d' on rond-pont, d' èn adjeyant cwårea d' souke, avou des adjeyantès copixhes å dzeu.
  • L' Ågnreye (l'Asinerie e francès), li seule plaece di Walonreye et d' Beldjike wice k' on fwait do laecea d' ågne.
  • Li muzêye do Toû d' France, k' ene djin araedjeye des coûsses a velo a-st amonté e s' måjhone et k' on pout viziter.
  • Li Camaïeu, on djårdén al môde inglesse, wice k' on pout dischovri bråmint di plantes råles.

Difoûtrinne hårdêye[candjî | candjî l’ côde wiki]

Waibe del comene

Essegne del province
 
Province do Hinnot
Drapea del province

Arondixhmint d' Ate : Ate | Beleul | Bernissåt | Brudjlete | Chieve | Chli | Elziele | Flôbek | Fraine-dilé-Anvegn | Inguî | Lissene

Arondixhmint d' El Lovire : Bince | El Lovire | L' Estene | Marlanwè

Arondixhmint di Mont : Boussu | Colfontinne | Cwargnon | Djurbize | Doû | Framriye | Inzî | Kévi | Kievrin | Linse | Mont | Onele | Sint-Guilin

Arondixhmint di Sougniye : Brinne-e-Hinnot | Les Scåssenes | Manadje | El Rû | Sougniye | Sinefe

Arondixhmint di Tchålerwè : Åjhô-Préle | Les Bons Viyés | Courcele | Djerpene | Fårcene | Fleuru | Fontinne-l'-Eveke | Montniye-Tiyoû | Pont-a-Cele | Sinefe | El Tchapele | Tchålerwè | Tcheslet

Arondixhmint di Tornè-Moucron : Antwon | Bruniau | Cele-e-Hinnot | Cômene-Varneton | Leuze-e-Hinnot | Mont-d'-l'-Inclûs | Moucron | Pêk | Perwé-e-Hinnot | Reme | Timpu | Tornè

Arondixhmint di Twin : Anderluwe | Biômont | Chevri-Rance | Chimai | Erkelene | Fritchapele | Han-Nålene | Lôbe | Miebe | Momgniye | Twin

Beldjike | Walonreye | Provinces