Gade

Li gade (on dit eto, foit rålmint, li tchive), c' est ene aclevåve biesse, on roemiant, avou des coines, ki prodût do laecea.

On lome

• "gade" (tchive, bike) li frumele k' a ddja gadlé.
• "bok" li måye ki pout siervi.
• "bikete" ene frumele ki va divni gade.
• "gadot" u biket on djonne nén co spani.

Les gades sont-st aclevêyes dins ene gadelreye. Li ci k' endè tént, u les aler fé paxhe, on l' lome li gadlî.

Mopliyaedje

Les gades ont pacô on gadot ki n' est ni måye ni frumeles : on bikebok u gade-et-bok.