Hålete
Ene hålete (on dit eto : tchapea a barada, badjolet, bounet a rabat, tchapea a rabagasse, båboe) [1], c' est ene sôre di bounete di stofe, avou des rabats sol costé et kécfeye onk padrî.
Li rabat did padrî si loméve on barada.
Ådvins |
[candjî] Montaedje
Li hålete est montêye so ene monteure di fier, a môde di balinnes.
Les pus viyes estént sotnowes pa des ptitès baguetes di oizires ou d' bwès. Les pus fayeyes estén fwaites avou des båretes di cwårton.
Gn aveut sovint deus corietes pol loyî dizo l' minton.
[candjî] Uzaedje
Li hålete rascovere li tiesse, li cô et l' hanete.
C' esteut bråmint les femes k' ovrént a l' ouxh k' endè metént, copurade å fnå et a l' awousse, po s' waeranti do solea. Purade po n' si nén fé håler, la k' ci n' esteut nén co l' môde, et ki, totes nowes, on-z åreut veyou ene foite diferince avou l' pea do dos, k' esteut fene blanke.
[candjî] Istwere
Elle esteut bén cnoxhowe e l' Årdene ey el Gåme el prumire mitan do 20inme sieke. [2]
[candjî] Djeyografeye
Cisse bounete la est bén cnoxhowe e l' iye di Djersai, ey e l' Inglutere (lomêye "peasant's bonnet").
