Hourete di clotchî

Ene hourete di clotchî (apiceye coixheye), les aiyes å lådje

Li hourete di clotchî ou houprale di clokî, ou blanke hourete, c' est on grand oujhea d' nute magneu d' tchå, tot blanc d' ploumaedje. E l' inglès, on l' lome "hourete di gregne". E francès, "sbarante hourete".

No d' l' indje e sincieus latén : Tyto alba

Discrijhaedje

Elle a ene blanke face et des grandès blankès aiyes, dipus d’ on mete lådje cwand ele vole.

Vicaedje

trô d' hourete, e l' Almagne

Fwait s’ ni dizo les panes ou les schayes. Mins i fåt on trô po rexhe (ene vite di gurnî spiyeye, ene bawete di clokî). Dins des payis k’ i gn a on leye ene bawete esprès dins les gregnes, po l’ hourete rexhe.

Ele rexhe a cmincî del vesprêye. Ele apice des soris et des rates. Kécfeye eto les djonnes di colons.

Ele hoûle saizixhanmint.

Mopliyaedje

Djonnes

Li frumele pond cwate a set oûs. Li måye apoite l' amagnî e ni, sol tins ki l' frumele cove pu s' ocupe des djonnes.

Les djonnes ripoizèt so ene sipexheur di bolets dismantchîs, rindous pa leus parints.

Dins les viyès croeyances

Dins les doûcès croeyances did dinltins, elle esteut lomêye l’ oujhea del moirt. On l’ apicive et l’ clawer vicante sol poite del scheure (gregne).