Irlande

Li Republike d' Irlande u, po fé pus court, l' Irlande (irlandès: Éire) est on payis d' Urope metou so l' ilea d' Irlande. Politicmint, l' ilea est côpé e deus bokets dispoy 1921: a nonne li Republike d' Irlande eyet a bijhe, a pô près so on shijhinme del daegne, l' Irlande do Nôr, ki fwait pårteye do Rweyåme Uni.

Li Republike d' Irlande a skepyî e 1922, tot s' toûrsiant foû do Rweyåme uni. Li dislaxhaedje a stî siné e 1919 eyet ricnoxhou e 1922. Shijh des trinte deus contêyes di l' Irlande dimorît e Rweyåme uni po divni l' Irlande do Nôr.

L' Irlande est mimbe di l' Union Uropeyinne dispoy li 1î d' djanvir 1973.

È 2007, i gn a 4,2 miyons di dmorants. Li mwaisse veye est Dublin. Les lingaedjes oficirs sont l' inglès eyet l' irlandès. C' est ene democraceye pårlumintaire eyet ene republike.