Li Sårt-Custene

Li Sårt-Custene, dins l' tins Li Sårt divant Djedene (so plaece Lu Saur, F. Sart-Custinne), c' est èn ancyin ptit ban del Walonreye, rebané avou Djedene.

• Sitindêye: 1.235 ha
• Limero del posse: 5575 (vî limero 6871)
• Limero diyalectolodjike: D 116

Istwere

Ci n' est k' al fén do 17inme sieke k' il a pris s' novea no, cwand l' signorreye do Sårt a tchait, pa on mariaedje, dins l' djeron d' ene famile di Dinant, les "Saint-Vincent", k' estént signeurs di Custene, ene paireye del Conteye di Rotchfoirt.

Djeyografeye

Ene tradicion vout ki so les boirds di Houye, å pré des Rwas, gn aveut on tchestea. Li pont eter Måvjhén et l' Sårt si loméve li pont des Payins. On asseure ossu k' eter Patiniye et l' Sårt åreut egzisté èn ancyin viyaedje: Bohimont u Bohémont.

Enute, i gn a des bives ki viként so Houye, dilé l' molén del Galete.

Rilomés Sårtîs

C' est l' viyaedje da François-Djèrå PIRSON (1765-1850), ki fourit mayeur di Dinant, deputé, et mimbe do Congrès nåcionå.

Nos d' plaece

• Molén del Galete (molén a aiwe, di 1851)
• Li Cinse di Longtchamp (100 ha), eclavêye dirî Hodrémont.
• Li Cinse di Bweron (25 ha) avou on grand vivî, dilé Riene