Li tchant des Rèzîsseûs

L’ tchant dès rèzisseûs

(à l' après do "Tchant dès Pårtizants")

Camarådes, l’ vèyèz-vos l’ nwârt linçou ki dsu nos, là, s’ aflaxhe ?

Camarådes, l’ oyèz-vos l’ cri ki soûrd do payi k’ on alaxhe ?

Astampèz-vos, rèzisseûs, ptits ovrîs, ptits cinsîs, c’ èst l’ alårme,

A l’anûti, l’ inmi l’ va conêxhe l’ pri do sonk èt dès lårmes

Rèxhèz foû d’ vos måjhons, d’ vos uzines, camarådes,

Aprustèz lès fuziks, lès boulons, lès grènades,

Ardant, lès tuweûs, à l’ vîzêye, au coutia, touwèz râde,

Ardant, saboteûs, wêtèz bén ki l’ boune kèdje pète torate.

C’èst nos ki skètans lès spèsses pwates dès prîjhons, po nos fréres

Li hinne à nos guètes èt l’ mwêjhe fwim ki nos stitche li mizére.

Vos avoz dès payis k’ dins leû lét lès djins font co dès rèves

Vêci, l’vèyèz-vos, nos on rote, nos on tûwe, nos on crève

Droci, chakonk saît c’ki vout èt c’ki faît kwand i passe,

Vos tchèyèz, camaråde, foû d’ l’ ombe on ôte rèxhe à vosse plaece.

Dimwin lès kwates solias vont sètchi do nwâr sonk dsu lès vôyes.

Tchantèz camarådes, dins l’ nût l’ libèrté vos xhoûte, nos oye…

Camarådes, l’ vèyèz-vos l’ nwârt linçou ki dsu nos, là, s’ aflaxhe ?

Camarådes, l’ oyèz-vos l’ vwès ki soûrd do payi k’ on alaxhe ?

Oh, oh, oh, oh, oh, oh, oh, oh, oh, oh, oh, oh, oh, oh, oh, oh…