Marius Colombin
Marius Georges Colombin skepia a Djumet diviè 1903, et mora diviè 1977. Il a cmincî a cpôtyî l' pene e walon e 1948. Il a scrît des pîces di teyåte et des arimés e walon. Sacwants powinmes ont stî eplaidîs el Bourdon (octôbe 1960, nôvimbe 1977). Ses pîces di teyåte ont stî djouwêyes a Djumet et a Lodlinsåt.
Tins del guere di 40, il aveut stî prijhnî 4 ans, et dmorer å stalag.
I scrijheut eto e francès.
Les sudjets d' ses powinmes estént classikes: fåves di biesses, couyonådes, powinme a s' mame, sol bouneur, sovnances di s' tins d' prijhnî å stalag, evnd. Tolminme gn a èn arimé politike, siconte di l' amnisteye po les cis k' ont fwait avou ls Almands tins del guere di 40.
Li walon, sicrît sins aveur stî a des scoles di walon, est foirt francijhî, come sovint, do costé d' Tchålerwè.
Ses pîces di teyåte e walon
[candjî | candjî l’ côde wiki]Comedeyes en èn ake
[candjî | candjî l’ côde wiki]- El truk da Marta.
- A tchaeconk si toû (vådveye).
- Après l' martchî.
Comedeye e troes akes
[candjî | candjî l’ côde wiki]- Èm vî pårén.
Operetes
[candjî | candjî l’ côde wiki]- Årlete (e troes akes).
- Leyîz pårler vosse cour (èn ake).