Maurice Joachim

Maurice Joachim (riwalnijhåve Meurice Djowassin), c' esteut on scrijheu e walon k' aveut skepyî a Wareme e 1919. Il a morou e moes d' decimbe 1999.

Di s' mestî, il a stî mwaisse di scole (a yeu Gui Fontinne come sicolî), adon-pwis, professeur.

Relî dins l' Antolodjeye Scrire et dins l' Antolodjeye del Hesbaye.

Ouve walon

Il eplaida si prumî schôtlêye di tecses e walon e 1984.

E 1988, i fourit rçu e l' SLLW. Li minme anêye, i fwait moussî foû si deujhinme ramexhnêye, Li memwere des djoûs ki lyi våt d' rescode li pris Djôzef Derbu e 1990.

Onk di ses bokets

Cwand il ataca-st a scrire e walon, i rtrova si ancyin scolî, Gui Fontinne, dedja monté foirt hôt dins l' schålance des waloneus. I scrijha çouci:

Pol djoû d' ouy, onk di zels est èn oteur walon;

On-z a vindou ses lives, on-z a djouwé ses pîces.

Etot m' oyant, èm rindrè-t i l' manoye di m' pîce?

Èn va-t i nén m' shofler « a tchaeke si toû, endon ! ».

Il est dedja foirt hôt; dji n' so k' å pî del schåle.

Èn pinsez vs nén k' i va-st on pô fé l' etindou?

Dji croe k' djel kinoxhe bén; djel schoûte, dji l' a léjhou,

Et, s' i s' meteut-st a rire dins e l' bele båbe di noer diåle,

Dji wadje ki ci sereut po m' dire: « Soeyoz l’ bénvnou. »