Moulete (pansreye)

Èn årtike di Wikipedia.
(Redjiblé di Molete)

Po des linwincieusès racsegnes sol mot "moulete", alez s' vey sol Wiccionaire

Pol discramiaedje des årtikes avou l' mot « moulete / molete », loukîz cial.

Li moulete (sincieuzmint, l' abomazom), c' est l' cwatrinme potche del pansreye des roemiants.

Rotaedje[candjî | candjî l’ côde wiki]

Les alimints î avnèt après aveur passé li panse, ey les cint foyes do cint-fouyas, la k' il ont stî rapurés des gros cayets ki n' ont rén a fé dins les boyeas (plastike, pires, boket d' fier).

C' est la l' vraiy estoumak, come li ci des ôtes biesses ås tetes.

Li moulete revoye l' amagnî, dedja rtravayî, eviè l' prumî boyea.

Siervaedjes del molete[candjî | candjî l’ côde wiki]

Li moulete, avou les ôtes pårteyes del pansreye, si polèt magnî e hatchisse (avou des ôtes bokets del dispouye).

Li moulete pout eto esse greyeye a ptits bokets (ricete djaponesse).

El farmaçreye, on î saetche li mayire (prezeure).

Maladeyes del moulete[candjî | candjî l’ côde wiki]

Ås vatches, ey aprume ås grandès epatlêyes come les Hostenes sogneye avou waire di fôraedje et toplin des torteas, li mouyete pout candjî d' plaece, et si vni stitchî a hintche dizo l' panse. Li maladeye si lome diplaeçmint del mouyete a hintche.

Pacô, dins totes les raeces di bovrins, li moulete si pout toirtchî so leye-minme.

Commons
Commons
I gn a so les cmons Wikipedia des imådjes ou fitchîs son a vey avou l' moulete .