Odjî (pexhon)

Èn årtike di Wikipedia.
Potchî a: naiviaedje, cweri
Èn odjî, avou ses spineus naivurons

Èn odjî (on dit eto on lodjî, on rodjî, èn ôrlodjî), c' est on pexhon des doûcès aiwes d' Urope et d' Azeye. Avou ça ki : il a stî rmetou dins les lexhes d' Amerike bijhrece, et-z î divni ene evayixhante indje.

No d' l' indje e sincieus latén : Gymnocephalus cernuus

Wiktionary-logo.svg

Po des linwincieusès racsegnes sol mot "odjî (pexhon)", alez s' vey sol Wiccionaire

Spårdaedje djeyografike

Discrijhaedje[candjî]

C' est on pexhon 25 cm long, ki n' peze nén dpus ki 400 grames.

Il a des naivuron dosreces come des spenes.

Etimolodjeye[candjî]

Les spenes so s' dos el fwaiynut rshonner a Odjî l' Daenwès, on persounaedje des marionetes lidjwesses avou on grand casse a ponte. Did la si mwaisse no (l' odjî). Pu, pa atroclaedje di l' årtike, on l' a lomé «lodjî», pa forcoridjaedje L => R, «rodjî», pu pa rcomprindaedje des deus di dvant, «ôrlodjî».

Vicaedje[candjî]

Vike dins les vivîs et les coetès rivires.

I s' tént voltî å fond d' l' aiwe (disk' a 25 metes fond), aprume sol såvlon ou l' graevî.

I s' pout nouri del nute di plancton-biesses, d' halenes di picrons, et des ôtès ptitès biesses.

El Walonreye, i froye e moes d' avri et d' may. I pond des djaenåsses oûs, so les rotches, dilé l' boird di l' aiwe, la k' c' est nén si parfond.

L' odjî et les pexheus[candjî]

Li grevî n' sieve a rén po les pexheus. Po s' amuzer, i plantè cobén on bouchon dins les spenes k' il a sol dos. Insi, i n' pout pus s' refoncî dins l' aiwe, et tourniker sol toele di l' aiwe. [1]

Sourdants[candjî]

  1. G8
Commons
I gn a so les cmons Wikipedia des imådjes ou fitchîs son a vey avou l' odjî .