Pôzucion (comere)
Èn årtike di Wikipedia.
Esse e pôzicion, po ene comere, ça vout dire k' ele ratind èn efant.
On dit eto : "ratinde famile", "esse grosse", "esse ecinte" et "esse ôtrumint". [1] [2]
Li pôzicion deure nouv moes. Ele kimince cwénze djoûs divant li date kel comere ni si rvoet nén. Come di djusse, li ratindaedje finixh li djoû kel djin s' acoûtche.
Sol fén, on dit ele ratind po dabôrd. Cwand les nouv moes sont houte, on dit elle est a s' tins.
Li pôzicion pout durer moens ki nouv moes. Si c' est po èn efant ki n' såreut viker (2inme å 7inme moes), mins k' on pout ddja bén ricnoxhe, on dit "piede si efant" u "aveur ene piete". Si l' efant vike(8inme et nouvinme moes), on dit : elle a acoûtchî divant s' tins.
Ene comere pout esse e pôzicion dispu s' laidådje disk' a si rtoû d' ådje.
Alez s' vey e splitchant motî po des linwincieusès racsegnes so les mots "pôzicion", "ratindaedje" et "ecinte".
[candjî] Sourdants & pî-notes
- ↑ Mots do livea sociålmint comifåt; po l' motlî mocrece, gn a, metans : aveur li balon, esse zimboum, aveur stî al trimblene, aveur toumé so on clå eruni, evnd.
- ↑ On n' eploye nén sovint les sustantifs k' irént avou ces ratourneures la : groxhesse, ratindaedje.
