Palestene (cåzu-estat)
Èn årtike di Wikipedia.
Li Palestene, come cåzu-estat, c' est on teritwere k' a stî ocupé pa Israyel di 1967 a 1993, et k' a divnou foirt otonome dispu les acoirds d' Oslo.
Il est compôzé di deus bokets, ki n' si rdondèt nén :
- li Cisdjordanreye u, po les Djordanyins, li Rive coûtchantrece do Djordin (inglès West Bank, arabe addeffa algharbiyya, الضفة الغربية)
- li Binde di Gaza.
Li prumî prezidint del Palestene fouri Yasser El Aarafat. Adon-pwis Mahmoud Aabbas.
Li mwaisse veye est Ramalla.
L' Ess di Djeruzalem, k' esteut metou avou les ôtes teritweres di 1948 a 1967, n' est nén ricnoxhou come estant dins l' Palestene pa les acoirds d' Oslo.
Ådvins |
[candjî] Estat u nén estat ?
[candjî] Estat
Pask' il a :
- on prezidint et on pårlumint. Li dierin vôtaedje a stî ricnoxhou foirt democratike, çou k' est foirt råle dins les payis arabes.
- on sidje a l' ONU et al Like arabe.
- il a ene police da sinne.
- ses djins ont des paspôrts da leur.
[candjî] nén estat
- i n' a pont d' manoye, et s' siervi des shekel d' Israyel.
- ses frontires ni sont nén clawêye. Israyel a co beazebén rawyî dvins avou si meur di pårtixhaedje.
- ses djins ni polèt nén voyaedjî d' ene coine a l' ôte sins passer pa des båraedjes avou des sôdårs israyelîs.
- si buddjet vént del pus grande pårt di des subzides des payis uropeyins et del Gofe piersike. Les intrêyes del TVA divèt esse ripayîs pa Israyel, ki s' fwait mo sovint saetchî l' oraye.
- i n' a pont d' årmêye.
- ses djins ni plèt nén voyaedjî a l' etrindjir sins otorijhaedje des Israyelîs u des Edjipsyins.
- E fén mitan di s' teritwere, gn a des colneyes israyelyinnes, la k' les Palestinîs n' rén a dire.
