Poirtêye (comere)
- Po les biesses, loukîz so cist årtike cial : "poirtêye (biesses)
- Discramiaedje des sinses do mot "poirtêye"
Li poirtêye (on dit eto li ratindance), c' est tote li termene k' ene comere est e pôzucion, ça vout dire k' ele ratind èn efant.
Po ene feme, on dit eto : "ratinde famile", "esse grosse", "esse ecinte" et "esse ôtrumint". [1] [2]
Li poirtêye deure nouv moes (di 37 a 42 samwinnes). Ele kimince cwénze djoûs divant li date kel comere ni si rvoet nén. Come di djusse, li ratindance finixh li djoû kel djin s' acoûtche.
Cwand ene comére kimince a ratinde, elle djéreye. Ele pout eto toumer flåwe.
Sol fén, on dit ele ratind po dabôrd. Cwand les nouv moes sont houte, on dit elle est a s' tins.
Li poirtêye pout durer moens ki nouv moes. Si c' est po èn efant ki n' såreut viker (2inme å 7inme moes), mins k' on pout ddja bén ricnoxhe, on dit "piede si efant" u "aveur ene piete". Si l' efant vike (8inme et nouvinme moes), on dit : elle a acoûtchî divant s' tins.
Ene comere pout esse e pôzucion dispu s' laidådje disk' a si rtoû d' ådje.
Ådvins |
Pwès del comere ki ratind [candjî]
Come di djusse, ene comere ki ratind prind do pwès. Gn a cwate sôres :
- do pwès k' ele va wårder po après, ki vént di l' anabolisse di ratindance
- di l' aiwe ki s' rashonne dins s' coir, et k' ele va piede å payelé.
- li pwès do påpåd.
- li pwès des aiwes do påpåd (potche des aiwes).
Ene comere k' a 60 kilos divant d' ratinde frè åjheymint 80 kilo cwand ç' serè po dabôr.
Maladeyes del poirtêye [candjî]
Motlî walon del feme e pôzucion [candjî]
- J.J. Gaziaux Amours walones, tome 3 p. 750-762.
Sourdants & pî-notes [candjî]
- ↑ Mots do livea sociålmint comifåt; po l' motlî mocrece, gn a, metans : aveur li balon, esse zimboum, aveur stî al trimblene, aveur toumé so on clå eruni, evnd.
- ↑ On n' eploye nén sovint les sustantifs k' irént avou ces ratourneures la : ratindaedje.
